Вторник, 22-Авг-2017, 22:44

.

Меню


7 чудес района
Участник Республиканского конкурса "7 чудес природы БУРЯТИИ" width=
Разделы
Природа края [4]
Все что связано с живописными местами под названием Джидинский район и не только
Село [24]
Рубрика посвещена родному селу
Школа [5]
Все что мы знаем о нашей школе или хотелибы еще узнать
Люди [22]
О людях которые связаны своей судьбой с Джидинским районом и Петропавловкой
Наш район [23]
Все что связано с нашим районом
Разное [79]
Погода

Погода в России
Погода в с. Петропавловка на ближайшие дни показать

Гороскоп
Loading...
Календарь



Наши друзья
Статистика



Онлайн: 1
Гостей: 1
Пользователей: 0

Locations of visitors to this page

Код кнопки:

с.Петропавловка Джидинский район республика Бурятия Россия

Страница тегов



Добавить в Избранное



Сайт адаптирован под браузер Opera

Каталог статей

Главная » Статьи » Разное

"Бургэд" (хэhэг)
"Бургэд" (хэhэг)

Бүргэд, буурал, хүсэн түгэлдэр Бүргэд, өөдэнь харбагдаhан годли шэнгеэр, монсойрон сугларhан амиды хүсэн шэнгеэр, залинта аадарай үүлэн шэнгеэр агаарые хаха эсхэн, эридээр, зориг хүсэл шиидэнгеэр өөдөө хөөрэжэл, хөөрэжэл ябана. Ахирхан жэгүүртэй шубууд аяар тэрэ доро үлэнхэй. Мүнөө тэдэнэй хоролхуу эшхэрээн, шомшороон дуулданагүй, гансал Бүргэдэй далинуудай дэбисын хүүеэн-hалхин шуухирна… Аяар дээгүүр аадарай үүлэд уhан далай шэнгеэр орьёлон бусална, алтан зэбэнүүд зуралзана, тэнгэриин хэнгэрэг нэернэ… Хүсэтэйнүүдые хүсэтэйнүүд угтадаг лэ!

Хаанабши даа, Бүргэд? Хайшаа, хайшаа иитэрээ дүүлинэбши? Юу бэдэрнэбши? Ямар зүрхэн сээжэдэш сохилноб? Тэндэ, тархи эрьемэ үндэртэ, галзуу, зэрлиг хүсэнүүдэй дунда гансаарандаш аймшагтай бэшэ гү? Айдаhатай бэшэ гү? Би шамайе харанагүйб. Тиибэшье би шинии дүүлин ошоhон эхишье, эсэсшьегүй огторгой өөдэ шэртэн зогсоноб. Тэндэ hалхи шуурган, агуу хүсэнүүд орьёлон байдаг гэжэ би мэдэнэб. Тэндэ хэтэдээ хүйтэн, хэтэдээ тунгалаг гэжэ, ахир амитадай хорото энеэдэн тэндэ хэзээдэшье хүрэхэгүй гэжэ би мэдэнэб. Шамда атаарханаб…

«Буурал Бүргэд, далита нүхэрни! Намда жэгүүрэйнгээ хахадыеньшье үгөө hаашни мүн бишье баhа омог дорюунаар хашхараад, сэнхир үндэр өөдэ дүүлин ошохол hэм! Оршолонто газарhаан хулжаншьегүй, ондоо юртэмсэ бэдэрэншьегүй, гансал ухаан хүсэлтэеэ урилдан ябахадаа, хоротой энеэдээр hарииhан нюурнуудые, хоб-жэб зөөhэн уралнуудые, баhанги муухайгаар хёлойhон нюдэнүүдые хэзээдээшье харахагүй hэм. Шамтаяа, Бүргэд, үнэн нүхэр шамтаяа үүлэд дээгүүр ниидэн ябахадам, холын субад одонууд холшороор эмнин уряалхал hэн…

Бүргэд, буурал хүсэн түгэлдэр Бүргэд! Ниидэ, ниидэ өөдөө! Дээрэшни эхишье, эсэсшьегүй замби, мүнхэ ниидэлгэн!.. »

Нангин арюун бодолоо, наhанайнгаа найдалые, мэхэлэгдэhэн дураяа, шэнхинээдүй энеэдэнэйнгээ хонгёое, уйлагдаагүй нёлбоhонойнгоо гашууниие…бултыень, бултыень, Бүргэд, шинии хойноhоо ниидхүүлхэб. Тиигээд өөрөө эндээ үлэхэм даа. Хамаагүй, турлаагууд хаагалалдаг, элеэ инсагаалаг, шаазгай шаханаг, шара шубуун энеэг, би шамдаал адли, Бүргэд, омог ябахаб!

Баяртай, Бүргэд! Баяртай, далита нүхэрни!

Даши-Дабаа Мункуев


Источник: http://naydal.com/Buryad.html
Категория: Разное | Добавил: VEVKUBE (08-Дек-2010) | Автор: Даши-Дабаа Мункуев
Просмотров: 767 | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]